Ministri i Punëve të Brendshme të Kosovës, Xhelal Sveçla ka njoftuar se janë larguar billbordet ilegale në Zveçan.

Me anë të një postimi në Facebook, ai tha se simboli vetëm i Serbisë brenda Kosovës do të jetë ambasada e saj në Prishtinë, shkruan Arbresh.info.

“Simboli i vetëm i Serbisë brenda shtetit tonë do të jetë ambasada e saj në Prishtinë. Sot në Zveçan janë larguar billbordet ilegale me simbole dhe imazhe të diktatorëve e agresorëve të cilat janë të papranueshme në Republikën e Kosovës. “, ka shkruar Sveçla duke bashkangjitur një video.

Ndër të tjera, ai tha se Kosova është e përcaktuar qartë për vlerat demokratike dhe orientimin euro-atlantik të saj.

“Republika e Kosovës është e përcaktuar qartë për vlerat demokratike dhe orientimin euro-atlantik të saj ndërkaq si institucione mbesim të përkushtuar për rend e ligj dhe zbatim të kushtetushmërisë në çdo pjesë të vendit tonë.”, tha Sveçla.

Ministri Sveçla tha se këto billoborde e imazhe “të fashistëve e agresorëve si Vladimir Putin dhe kundërshtarëve të shtetit tonë” nuk do të gjejnë vend në shtetin tonë./Arbresh.info/